საქართველოს საზოგადოებრივ საქმეთა ინსტიტუტი (GIPA)

153

ქალაქი თბილისი
მისამართი თბილისი, 0162, მარი ბროსეს ქ. #2
საიტი www.gipa.ge

153

ჩვენს შესახებ

საქართველოს საზოგადოებრივ საქმეთა ინსტიტუტი დაარსდა 1994 წელს. GIPA კერძო უნივერსიტეტია, მაგრამ იგი მოგებაზე არ არის ორიენტირებული და აქედან გამომდინარე, მთელი მიღებული შემოსავალი სასწავლო და კვლევითი პროცესების გაუმჯობესებას ხმარდება. 90-იანი წლებისათვის GIPA იყო ერთ-ერთი პირველი დასავლური ინოვაციური პროექტი, რომელიც ერთი სამაგისტრო პროგრამით დაიწყო. დღეს უნივერსიტეტს აქვს 11 საბაკალავრო, 10 სამაგისტრო, 2 სადოქტორო და 1 პროფესიული პროგრამა. ამასთანავე მოიცავს ტრენინგ ცენტრს, რომელიც 20-მდე კურსს გვთავაზობს.
საგანმანათლებლო პროგრამებისა და ტრენინგ კურსების პარალელურად, GIPA წარმატებით ახორციელებს სხავდასხვა ტიპის პროექტებს, მართავს რადიოს, რომელიც მაუწყებლობს სიხშირეზე FM 94.3 (RADIO GIPA), აგრეთვე, პერიოდულად მასპინძლობს შეხვედრებს და მართავს დებატებს აქტუალურ საკითხებზე კლუბში „ფრონტლაინ ჯორჯია“.

გაცვლითი პროგრამები

საქართველოს საზოგადოებრივ საქმეთა ინსტიტუტი გვთავაზობთ 80 -ზე მერ გაცვლით პროგრამას, ევროპასა და ამერიკაში. სხვადასხვა დასავლურ უნივერსიტეტებთან თანამშრომლობითა და პარტნიორობით სტუდენტებს ეძლევათ საშუალება, როგორც გაცვლით პროგრამაში მონაწილეობის, ისე ორმაგი დიპლომის პროგრამით სარგებლობის.

დაფინანსება

ის აბიტურიენტები, რომლებიც 2023 წლის ეროვნულ გამოცდებზე მოიპოვებენ 100% -იან გრანტს და ჩაირიცხებიან GIPA-ს ბიზნესის, სოციალური მეცნიერების, პოლიტიკის მეცნიერების, ეკონომიკის, სოციოლოგიის, ფსიქოლოგიის ან სამართლის საბაკალავრო პროგრამაზე, სახელმწიფო გრანტის გარდა მოიპოვებენ საუნივერსიტეტო გრანტს 2250 ლარის ოდენობით და ისწავლიან უფასოდ.
ასევე, დაფინანსებას მიიღებენ ის აბიტურიენტები, რომლებიც მოიპოვებენ 70%-იან გრანტს და ჩაირიცხებიან ბიზნესის საბაკალავრო პროგრამაზე. ამ სტუდენტებს გადასახდელი ექნებათ მხოლოდ 675 ლარი.
სწავლების მეორე, მესამე და მეოთხე წელს დაფინანსება შენარჩუნდება თუ სტუდენტის აკადემიური მოსწრება იქნება 3.2 GPA ან მეტი.
*ბიზნესის საბაკალავრო პროგრამაზე საუნივერსიტეტო გრანტის მოპოვებას შეძლებს ეროვნულ გამოცდებზე მიღებული საუკეთესო საკონკურსო ქულის მქონე 20 სტუდენტი.
*ფსიქოლოგიის საბაკალავრო პროგრამაზე საუნივერსიტეტო გრანტის მოპოვებას შეძლებს ეროვნულ გამოცდებზე მიღებული საუკეთესო საკონკურსო ქულის მქონე 10 სტუდენტი.

საბაკალავრო პროგრამები

*2024 წლიდან მედია ხელოვნების და ვიზუალური კომუნიკაციის საბაკალავრო პროგრამები დამოუკიდებლად იწყებს ფუნქციონირებას. მსოფლიოს უახლესი საგანმანათლებლო ტენდენციებისა და საქართველოს კრეატიული ინდუსტრიის მოთხოვნების გათვალისწინებით პროგრამების ხანგრძლივობა იქნება 3 წელი.